Hazteriaren agiria beharko da ardiak mendian larreratzeko

Oihana Elorza Gorostiza 2013ko abe. 4a, 18:15

Datorren udaberritik aurrera animaliak Aloñan eta Artia, Txirikileku eta Aitzgainen larreratzeko bete behar diren baldintzekin oharra kaleratu du udalak eta horixe da bete beharretako bat. Horrez gain, larreratze tasak, ganadu jabeek eman beharreko datuak eta zaldiak eta behorrak identifikatzeko balio duten lepokoen erabilpena ere jasotzen du ohar horrek.

Artaldeak hazteria edo sarnaren kontrako tratamendua hartu duela ziurtatzen duen agiria aurkeztu arte udalak ez du larreratze baimenik emango. Aloñako larreetara nahiz Artia aldera ganadua eraman gura duten abeltzainek, udal bulegoetan eman behar dute asmo horren berri abenduaren 31a aurretik.

Urte amaiera bitartean, artzain eta abeltzainek Aloñan larreratu gura dituzten ardi, bildots, zaldi, behor eta behi kopuruaren berri udalari jakinarazi behar diote. Behor eta behien kasuan, abere bakoitzaren zenbakia zehaztuz, gainera, izan ere animalia horiek ondo indentifatuta egoteko, bakoitzak bere lepokoa eraman beharko dute. Tasak, Aldundiak datuak egiaztatu ondoren ordaindu beharko dira.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak