Puntuak etxean geratu arren, haserre bukatu dute norgehiagoka oñatiarrek

Etxekoek hiru puntuak lortu badituzte ere, epailea izan da protagonista Azkoagainen.  Oñatiarrak, haserre amaitu dute norgehiagoka epailearen lanarekin eta batez ere, jarrerarekin.

Getariakoren aurka jokatu dute, eta esan bezala, 1-0 irabazi dute Iñigo Zubiaren golari esker. Partidu serioa jokatu dute etxekoek bai aurrean baita atzean ere, eta gola 75. minutuan sartu dute. Iñigo Zubiak, hegaletik egindako erdiraketa aprobetxatu eta buruz egin du gola.

Epailea, protagonista

Azkargorta entrenatzailea oso haserre zegoen partidu amaieran, Getariakoek joko oso gogorra, eta tarteka, zikina erabili dutelako eta epaileak begi onez ikusi duelako. Horrez gain, partidua arrazoirik gabe sei minutuz luzatu du epaileak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.