Bestalde, eta irailean, taldearen ibilbidea jasotzen duen aldizkaria kaleratuko zuten. Aldizkarian hamar urte hauetako bizipenak eta argazkiak ikus daitezke eta doan eskuratu ahalko dute herritarrek. Herriko hainbat tokitan aurkitu daiteke aldizkaria: Kultur Etxean, udaletxean, Gaztelekuan, Pake-lekun eta beste hainbat tokitan.
Santa Zezilia eguna ospatzen
Zapatuan, Santa Zezilia musikoen zaindariaren ondorengo egunean, Ganbara Txikiko taldeek kurtso honetako lehenengo emanaldia eskainiko dute Santa Ana Antzokian. Taldekide askorentzat bere lehenengo emanaldia izango da eta horregatik gogo biziz ensaiatzen dihardute azken astetan.
Tailerretako hiru taldeak, Ganbara Txikitxoak, Ganbara Txiki eta Ganbara Gazte taldeak arituko dira zapatuan kantuan, bakoitzak bere errepertorioa aurkeztuz. Hitzordua Santa Anan izango da, 19:00etatik aurrera. Emanaldiko sarrerak astean zehar erosi ahal izan dira Santa Ana Antzokian bertan, baina zapatuan ere erosterik egongo dira guztiak agortu ez badira behintzat.