Aurrekontuak lantzeko tailer erraldoia egingo dute zapatuan

Oihana Elorza Gorostiza 2013ko aza. 21a, 14:19

Datorren urteko aurrekontuak lantzen hasi zen Udal Gobernua joan den urriaren 21ean. Lehen bi urtetako balantzea aurkeztu du hainbat bileretan eta herritarrengandik proposamenak eta ekarpenak jasotzeko esku-orriak banatu ditu. Orain, ekarpen horiek antolatu eta herritarrei zuzendutako tailer erraldoi batean sailkatuko ditu, aurrekontuak lehenesteko.

Zapatuan egingo dute tailerra. Foruen plazan izango da, 10:00etan. Haurtzaindegi zerbitzua egongo da. Tailerra lau gunetan banatuta egongo da: pertsona lehenesten duen jendartea, ama lurrarekin bat egingo duena, bere kultura sustatzea gura duena eta askatasuna ardatz izango duen jendartea. Herritarrak behin gune bat aukeratuta, guneari markatu dizkiogun helburuak zehaztuko zaizkio eta gunean dauden alorretatik bat aukeratu beharko du. Ideia guztiak jasota, panel batean irudikatuko dute eta beste alorretakoekin egingo den errondan bakoitzak bere panela azaldu beharko du, ekarpenak jasoz.

Abenduan

Zapatuko emaitzak bilduta prestatuko ditu 2014ko aurrekontuak Udal Gobernuak. Asmoa da abenduko osokoan onartzea.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak