Aste berezia ospatzen ari dira San Martin egoitzan: Oñatiko abesbatzaren emanaldia, bingo berezia, bolo txapelketa, gaztaina jana... egubakoitza bitartean, bertako egoiliarrek, gustukoen dituzten jarduerekin ederto pasatzeko aukera izango dute. "Oso ekintza ezberdinak antolatu ditugu" aipatu digu Garazi Guridi, bertako gizarte langileak.
Nabari da egoiliarrak gustura daudela, ze areto nagusian egindako bolo txapelketan parte hartzeko irrikaz daude, "lehen gehiago jolasten nuen" dio bertako egoiliarra den Felisa Kortabarriak. Boloekin batera beste ekintza batzuek ere arrakasta izan ohi dute "jende gehiena oso erlijioso denez, meza gustura entzun dute eta senideekin egindako bazkaria ere berezia da", kontatuko ditu Guridik.
Egubakoitzean, asteari amaiera emateko, proiekzio berezi bat egin dute. Bertan, gaztetako argazkiak eta aste honetan tartekatuko dituzte.