Alicia Amo Sopranoak, Andoni Marcero eta Pedro Gandia Martin bibolin-jotzaileek, Itziar Atutxa biola eta biolontxelo-jotzaileak eta Juan Manuel Ibarra klabezinak osatzen dute taldea. Taldeko kideak Espainiako eta nazioarteko talde barroko nagusiekin aritzen dira eta musika jaialdi eta kontzertu areto garrantzitsuenetan jo ohi dute.
Askotariko errepertorioa
Tresna ugari erabiltzeaz gain, XVII eta XVIII. mendeetako ganbera ahots errepertorioa interpretatzen dute eta bi hauen bateraketarekin lortutako emaitza da euren indarguneetako bat. Errepertoio zabala du taldeak; jendearentzat ezezagunak diren konposizio asko dituena, plazaratu gabeko obrak eta oraindik deskubritzeko zain dauden lanez osatua.
Halaber, Musica Boscareccia taldeak, euren programetan musika zaleek ezagutzen dituzten musikagile ospetsuen lanak biltzea du helburu eta, aldi berean, normalean entzun ohi ez dugun musika mota hau kontzertu aretoetan plazaratzea: Legreti, Cavalli, Vivaldi, Bononcini, Caccini, Monteverdi eta Händel musikari famatuen piezak jotzen dituzte.