Lizitaziora aurkezten diren enpresek hiru gutun-azaletan aurkeztu beharko dute euren proposamena: lehenean, enpresariaren nortasun juridikoa egiaztatzen duen dokumentazioa aurkeztu beharko da; bigarrenean, egingo dituzten lanen azalpen memoria; eta hirugarrenean, eskaintza ekonomikoa. Azken puntu horri dagokionez, Udalak 97.200 eurotan ezarri du muga. Hala ere, eskaintza ekonomikoa ez da erabakigarria izango kontratua esleitzeko orduan, gehienez hogei puntu eskuratzeko aukera emango du-eta atal horrek. Eman beharreko zerbitzuaren proiektuak, berriz, 80 puntu.
Enpresak gizarte hezkuntza, pedagogia, psikologia, psikopedagogia edo irakaskuntza ikasketak dituzten langileak jarri beharko ditu. Ludotekan eta udalekuetan aritzeko aisialdi begirale titulua ere beharko dute. Eta horretaz gain, guztiek EGA edo hirugarren hizkuntza eskakizunaren mailako euskara ezagutza izan beharko dute.
Bada, interesa duten enpresek hilaren 19ra dute eskaintzak udal bulegoetan aurkezteko. Informazio gehiago hemen.