Datorren urteko mendiko lizentzien eta aseguruaren tramitazioak egingo ditu Aloña Mendiko mendi sailak bihartik, martitzena, hilaren 13ra. Federatuta dauden gurasoen seme-alabek %50eko deskontua izango dute.
Federatuta
Orain arte mendi saileko bazkide direnek aseguruaren estalduran aldaketaren bat egin gura duten edo ez azaldu beharko dute eta baja ematea gura izanez gero, hilaren 13a aurretik pasa beharko dute abisua.
Mendizale lizentzia atera gura dutenak, berriz, Aloña Mendiko mendi saileko bazkide izatera pasako dira automatikoki eta era berean, Euskal mendi Federazioan federatuko dira. Ibiltzen diren eremu geografikoaren araberako asegurua egin ahal izango dute, eta aukera dute mendiko kirolaz gain beste ekintza batzuetara ere zabaltzeko estaldura hori. Aloña Mendiko bulegoetan egingo dituzte tramitazioak 19:30etik 21:00etara. Posta elektronikoz egiteko, alonamendi.mendiABILDUAgmail.com da helbidea.