Ordenantza fiskalak zehazteko irizpide nagusia Kontsumo Prezio Indizea igotzea izan da, hau da, %1,74ko igoera izatea. Hala ere, denek ez dute igoera hori izango. Esaterako, eguneko zentroko tasa, euskaltegikoa, hondakinena eta merkataritza eta zerbitzuena izoztu egingo dira 2014an. Ohiko egoitza ez diren etxebizitzen errekargua %100a izango da 2014an ere eta ludotekako tasak, esterako, jaitsiera izango du.
Etxebizitzak eta hondakinak
Udal Gobernuak planteatzen duen igoera orokorrarekin bat dator EAJ ere, hau da, KPIa izatea igoera. Alderdi jeltzaleak, baina, kontrako botoa eman zuen egueneko osokoan, ondasunen higiezinen gaineko errekarguarekin ados ez dagoelako batetik, eta ezta hondakinen tasa izoztearekin ere. Horren harira, transparentzia falta salatu zuen EAJk.