Giza eta danbor-hotsez irun zuten hari ederra luzatu zien Kalakanek ikusleei

"Kantu-poz" moduko bat kutsatzeko gaitasuna badute Kalakanekoek, asaben hariari tira eginez kantatzeko jitean; eta konexio are atabikoago baten, ikusleen barrunbeak tinko heltzeraino, perkusio gordin bezain boteretsuekin. Eguenean jo zuten, Gaztelekuan.

Melodia eta erritmoa, funtsean, apaingarri hutsalik gabeko biluztasun ezin adierazkorrago baten osagai bezala ulertuak. Ordu eta erdiko saioa egin zuten behe-nafarrek (Thierry Biscary, Xan Errotabehere eta Jamixel Bereau) eguenean Oñatiko Gaztelekuan eta luzatutako hari-muturra hartu eta amaitu arte, ez zuten askatu ikusleek, gozatuarekin, esker oneko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.