Natra multinazionalaren sozietate nagusiak 1,61 milioi euroko emaitza negatiboekin itxi zuen urteko hirugarren hiruhilekoa. Horrela jakinarazi zion Espainiako Balio-Merkatuaren Batzordeari. Iazko epe berean, 1,92 milioiko irabaziak zituen Mikel Beitia oñatiarrak zuzendutako enpresak.
Zerga aurretiko 2,72 milioi euroko irabaziak izan arren, Espainiatik kanpo dituen filialen zergak ordaintzeko 2,3 milioi ipini behar izan ditu.
Urtarril eta irail artean, 263,2 milioi euroko negozio-zifra izan du Natrak, iaz baino % 1,5 gehiago.
Kakaoa garestitu egin da
Kakao eta txokolate ekoizpenak –Oñatiko lantegian egiten dena, besteak beste– 237,94 milioiko salmentak izan ditu irail bukaeran, iaz baino % 0,9 gehiago. EBITDA, aldiz, % 10,5 txikiagoa izan da (16,52 milioi). Enpresak azaldu duenez, egoera "konplexua" bizi du kakaoaren negozioak, izan ere, sektoreko enpresa handien eskuetan kontzentratzen dabil kakaoaren negozioa, eta horrek lehengaiaren garestitzea eragin du.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak