Oñatiko gaztelekua bizi-bizirik Su Ta Gar taldearen azkeneko lanarekin

Eibarko Su Ta Gar taldeak, Bizirik gaude, taldearen hamargarren estudioko lana aurkeztu zuen atzo, egubakoitza, lepo bete zen Oñatiko gaztelekuan. Astean kaleratu duen lan berriaren izenburuarekin bat dator gaztelekuan eibartarrek erakutsi zuten indarra eta jarrera. Bertaratutako adin askotako publikoak ere ederto erantzun zuen ordu eta erdi pasa iraun zuen kontzertuko minutu guztietan.

Besteak beste, Iron Maiden taldearen kantu ezagunek egin zituzten atzo, telonero lanak eta 10.40ak jo orduko igo ziren Su Ta Gar taldeko Aitor Gorosabel (gitarra eta ahotsa), Xabi Bastida, (gitarra-jolea), Galder Arrillaga (bateria-jolea) eta Igor Diez (baxu-jolea) taularen gainera. Lehenengo akordetatik nabari zen publikoa eta taldearen arteko  konplizitatea.

Kantu berriak zaharrekin tartekatutako errepertorioa

Bizirik gaude bildumako kantu berriekin batera, taldearen ibilbide zabaleko lanetako kantuak aukeratuz osatu zuten kantu zerrenda. Hortxe ziren, bada, bilduma berriko Txakurrak solte, Nazkatu naiz edo Zure baitan, besteak beste; baina baita, taldearen hastapenetako Begira, David eta Goliath, Mari, Jo Ta Ke, Nazka eta Itxaropena, beste batzuen artean.

Asteleheneko Goiena Paperean taldekideekin elkarrizketa

Asteleheneko Goiena Paperean izango duzue irakurgai, kontzertuaren kronika zabala eta baita Xabi Bastida taldekideak kaleratu berri duten Bizirik gaude diskoaren eta taldearen ibilbidearen gainean emandako azalpenak ere.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.