Ostegun Kontalariak izeneko ekimenak hasiko da berriz, Udal Liburutegiak antolatuta. Umeendako zuzeneko ipuin kontaketa saioak egitea da ekimen horren helburua, umeak liburutegira eta liburuetara erakarriz. Hileko azken eguenetan izango dira saioak.
Amaia Nekane
Eguenean hasiko du ikasturtea Ostegun Kontalariak programak. Amaia Nekane izeneko ipuin kontalaria etorriko da liburutegira, 6 eta 10 urte bitarteko umeei ipuina kontatzera. Betiko ipuinak eta zoparen bat izena da ostegunerako aukeratu duen ipuinak. Haur liburutegian izango da ipuin kontaketa, urriaren 31n, osteguna, 18:00etan. Hara joateko, baina, gonbidapenak eskatu behar dira, ume kopuru zehatz batendako tokia dago-eta. Gonbidapenak haur liburutegian eskatu behar dira.
Ume txikiak
Aurreko ikasturtean bezala, 3 eta 5 urte arteko umeendako saioak ere prestatuko dituzte kurtso honetan. Txandakatuz joango da adin tartea horrela, hurrengo saioa txikiendako izango da.