Iban Altuberen omenez, 214 txirrindulari elkartu dira Oñatiko mendi bizikleta martxan

Goiza hotz xamar hasi arren, aldapak igotzen hasi bezain laster berotuz joan dira Oñatiko mendi bizikleta martxan parte hartu duten 214 txirrindulariek. Iban Altuberen omenezko mendi martxa hasi aurretik baina, omenaldia egin diote Foruen Plazan.

Martxa 9:10 inguruan hasi dute; Urtiagainera igo ziren Lamiategitik, bertatik Arrikrutz baserrira eta Araotz ingurura. Ibilbide oso polita egin dute aurtengoan, eta batzuek gogor xamarra izan dela aitortu arren, denok gozatu dute mendi bizikleta martxaz.

Minbizia eta bizikleta

Bizikletaren erabilera sustatzeko eta Aspanogi elkartea, Gipuzkoako haur minbizidunen guraso elkartea,  ezagutzera emateko ere hainbat ekintza egin zituzten egunean zehar Oñatin. Aspanogi elkartearentzat dirua batu dute, besteak beste, martxako inskripzioko euro batekin eta Markel Irizarren Trek taldeak emandako mendi bizikleta bat zozketatuz. Markel Irizarren arabera, "aurtengo helburuak bete ditugu, beraz datorren urtean bueltan egongo gara".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.