Pentsamendua euskaraz garatzeko tailerra antolatu dute familiendako

Esatetik Egitera izeneko hausnarketa saioak antolatu dituzte. Herriko ikastetxeek, hango Guraso Elkarteek eta Udalak osatzen duten Hezkuntza Mahaiak antolatu ditu, familiendako, formaziorako balio duten hitzaldi hauek eta urrian eta azaroan egingo dituzte. Izenematea zabalik dago.

Saio horietan, hiru galdera hauen erantzunak landuko dituzte: euskaraz jakin bai, baina gaztelaniara jotzeko joera duzu? Egoera jakin batzuetan ohartu gabe hizkuntzaz aldatzen duzu? Umeei euskaraz egiten diezu, baina nagusiekin nahiago gaztelaniaz?.

Emun izango da tailerraren gidaria, eta helburua da euskararen erabileran eragiten duten faktoreei buruzko prestakuntza hartzeaz gain, nork bere iritzi eta usteak azaltzea, pentsamendua garatzea. Tailerrak izaera praktikoa izango du eta edukiak hartzaile eta taldearen ezaugarriei egokituko zaizkio. Zaintza zerbitzua eskainiko zaie, horrela eskatzen dutenei, Txaloka ludotekan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.