Ohiturei jarraituz, San Migel egunaren bezperan danbor hotsek Oñati hartu zuten; eta inoiz baino zaratatsuago izan zen, izan ere orain arte ospatu den danborrada jendetsuena izan zen atzokoa. 450 lagun inguru irten ziren, Potx eta Motx pailazoak tarteko, eta Juan Madinagoitia beteranoaren arabera, "gazteek ohitura hartu dute eta noizbait beteranoei erreleboa emateko prest daudela diru".
Hala ere, jendetsuena bai, baina arazo teknikoek eta eguraldiak festari distira kendu zioten. Megafoniaren arazoak tarteko, ibilbide motzagoa egin zuen danborradak, Bidaurretatik Euskadi etorbidera, hortik Kale Barrira eta plazara zuzenean.
Plazan bertan ere, soinu arazoak izan zituzten. Izan ere, banda udaletxeko arkupean jarri zen, eta plazako beste aldean zegoen Txosna Batzordeko konpainiak apenas ez zuen musika entzuten. Euriak ere egin zuen agerraldia bukaera aldera, hala ere, San Migel ereserkia gogotsu jo zuten oñatiarrek danborradari amaiera emateko asmoz. Hala ere, Txosna Batzordeko konpainiak beste bi pieza jo zituzten Trikitxarangaren laguntzarekin, Txispun eta Kalera Kalera. Hala, beste urte batez danborrada sasoi onean dagoela erakutsi zuen.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
