'Txantxikuak potxonia xaon/k', hasi dira San Migelak Oñatin

Txantxikuaren jaitsierarekin bat hasi dira aurtengo San Migelak Oñatin. Aurten baina, txantxikua bakarrik ez, elizako kanpandorretik Nafarroako bandera zintzilikatu dute. Txosnagunea jendez bete da eta txarangarekin bat, animatzen joan dira oñatiarrak. 'Txantxikuak potxonia xaon/k' leloarekin hainbat txartel banatu dituzte txantxikua jaitsi bitartean, eta esan bezala, ibilbidea bukatu bezain laster parrandarako gogoa piztu da Oñatin. Orain baina danborrak gogoz astintzeko indarrak hartzeko txanda heldu da; beraz, ondo afaldu ondoren, hurrengo zita 23:00ean hasiko da.

• ARGAZKI GALERIA