Mosaikoa, Aloña Mendi kirol elkarteak Oñatiko herriarekin duen "lotura estua" erakusteko

"Behean ibili naiz eta ezin izan dut nola geratu den ikusi. Kanpatorpean egon den argazkilariak esan dit nahiko kurioso geratu dela eta argazkia ikusi barik oraindik, balorazio oso positiboa egiten dugu. Hemen pilatu den jendea ikusita, oso pozik gaude; eskerrik beroenak etorri zareten guztioi". Hitz horiek izan ditu Aloña kirol elkarteko Aratz Losadak, Aloñaren armarria irudikatzen zuen mosaikoa amaitu berri.

Goizeko lehen orduetatik aritu dira dena prestatzen: "Goizetik aritu gara lurrean armarria izango zena markatzen. Armarri hori kolore ezberdinekin betetzen joan gara eta horrek pazientzia eskatzen du, batez ere hasieran sartu direnendako. Kosta zaigu, baina nahiko ondo joan dela esango nuke", esan digu Losadak.

"Dimentsioa, tamaina eta garrantzia" erakusteko

Mosaikoa sortzearen helburua ekarri digu gogora Aloña Mendi kirol elkarteko kideak: "Helburua bakarra izan da: erakustea klub honek zein dimentsio, tamaina eta garrantzia duen herrian, lotura estua duela. 15 sail ezberdin ditu uneotan eta, era batera edo bestera, herri osoa dago inplikatuta klubarekin".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.