Oñatiko Ganbara Txiki abesbatzak bigarren diskoa izango dena grabatzen aritu da asteburuan. Zapatu eta domekan jo eta ke ibili dira Madalena ermitan. Hamar kantu eta hamaika doinu izango da diskoaren izenburua. Abesbatzaren 10. urteurrenaren harira, diskoa eta DVDa abenduan kaleratuko dute.
Kontatu dutenez, 15 bat ordu pasa dute disko horren grabaketan; "lan gogorra baina aldi berean esperientzia polita" izan da, adierazi du abesbatzako zuzendari Biainek. 40 bat haur-gaztek hartu dute parte, Aitor Biainen zuzendaritzapean, eta Eli Mendiarazen (pianoa) eta Iñaki Letamendiaren (bateria) laguntzarekin.
Diskoa abenduan kaleratuko dute abesbatzaren X. urteurrenaren ekintzen barruan. CD horrek ere DVD bat ere izango du (bideoklip, dokumental eta argazki galeriarekin).
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.