Martin Berasategi sukaldariaren hitzaldia gaur, Oinarriren 25. urteurrena ospatzeko

Oinarri elkarteak 25 urte bete ditu eta ekintzaz betetako asteburua antolatu dute bazkideek. Gaurko, Martin Berasategiren hitzaldia antolatu dute institutuan, 21:00etan, eta ondoren, bazkideendako afaria elkartean.

Biharko, mendi irteera antolatu dute, goizean. 12:00etan hasita, berriz, puzgarriak eta jolasak izango dira institutu aurrealdean eta 13:00etan, trikitilari eta bertsolariak. Horren ostean, bazkaria Unibertsitateko plazatxoan eta arratsaldean mus txapelketa, bertsoak eta trikitilariak.

Domekan, hildako bazkide guztien aldeko meza Agustinoetan eta ondoren, luncha.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.