500 ume inguru elkartuko dira domekan, Haurren Egunean

Gipuzkoko, Bizkaiko eta Nafarroako 13 dantza talde etorriko dira domekan Oñatira, 43. Haurren Egunera; 500 ume guztira.

Oñatiko Oñatz taldeko 200 ume dantzariz gain, Oñatin izango dira domekan: Lizarrako Ibai Ega taldea, Antzuolako Oinarin, Sestaoko Salleko, Zumarragako Irrintzi, Zarauzko Jalgi, Arrasateko Txikitxu eta Lore Gazteak, Gernikako Alai, Soraluzeko Urrats, Legazpiko Korosti, Aretxabaletako Leizarra eta aurten lehenengo aldiz etorriko den Zestoako Itxaropena dantza taldeko umeak etorriko dira.

Alkate Txikiaren agurra

Urtero egin ohi duten moduan, aurten ere Arboledan egingo diete ongietorria kanpoko taldeei, 10:15ean. Ogitartekoa jan ostean, alkate txikiaren agurra egingo dute Foruen plazan, 12:00etan. Jon Irazabal izango da aurtengo Alkate Txikia. Segidan, ibilaldia egingo dute ume guztiek herriko kaleetan zehar. Arratsaldean, alardea egingo dute. Eguraldi txarra eginez gero, Zubikoa kiroldegira joango dira. Bestalde, erraldoiak eta txorimaloak ere ibiliko dira kaleetan gora eta behera. 18:30ean izango da hori.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.