Pottoken mundua ezagutzeko aukera dago bertan eta pertsonei laguntzeko dago sortua bertako zentroa, terapia egiteko. Eskoletako hainbat haur adimen emozionala lantzeko joaten dira bertara; enpresak, aldiz, lidergoa eta talde lana hobetzeko. Arazo ezberdinak dituzten beste pertsona batzuentzat ere lagungarria da. Zapatuko saioan esku hartu zutenak berehala gerturatu ziren animaliengana eta, orrazia pasa ostean, gainean ibiltzeko aukera ere izan zuten.
Bizi Pottoka! jardunaldiak egin dituzte azken asteetan Oñatin, eta zapatuan izan da hirugarren eta azken saioa. Bertara hurbildutakoek bideo proiekzio bat ikusi zuten aurrena, euskal pottoken inguruan gehiago jakiteko; eta gero, Pottokalekura joan ziren, animalia artean gozatzera eta haiekin kontaktuan egotera.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak