Mikel Deunaren 55. saria jokatu zuten zapatuan Oñatin gazte eta kadete mailako txirrindulariek. Zapatukoa, gainera, V. Mendiko kriteriumerako lasterketa puntuagarria izan zen. 89 txirrindularik hasi zuten proba, baina euria tarteko, askok lasterketa utzi zuten. Hala, txirrindularien erdia iritsi zen helmugara. Caja Rural taldeko Xabier Jauregi izan zen azkarrena helmugan: 2.24.26ko denbora egin zuen Jauregik; 36 segundotara Viveros San Anton taldeko Aitor Olaziregi iritsi zen; eta, Vicinay Cadenas taldeko Xabier Diaz hirugarrena izan zen, 41 segundotara.
Talde onenaren saria Caja Ruralek eroan zuen; tarteko helmugena Xabier Jauregik; mendiko saria Andreu Messek; eta, oñatiar onenaren saria Sumofic taldeko Mikel Fernandezek.
Azkeneko urteetan egin izan duten moduan, Foruen plazan hasi zuten lasterketa. Handik Bergara aldera hartu zuten, berriro ere Oñatira iristeko. Udana eta Atagoiti gainak igo ondoren, txirrindulariak Oñatira iritsi eta Santipillauko aldapa igo zuten.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.