Omenaldi xumearekin hasi dute partidua gaur arratsaldean Azkoagainen. Han izan da, bi taldeetako ordezkariez gain, Euskadiko Futbol Federazioko presidente Luis Mari Elustondo. Lore sorta jaso dute Manttoni, Mikel, Joseba eta bilobek. Ondoren norgehiagoka hasi da.
Azkoagainera ez dira ikusle asko joan; hala ere, nabarmentzekoa da Erandiotik etorri den hooligan taldea. Euren taldea animatzen ibili dira denbora guztian.
Hasierako hamaikakoa
Aginagalde, Igarzabal, Olalde, Markinez, Irizar, Zubia, Juaristi, Zelaia, Barrionuevo, Ugarte eta Lizarra izan dira Aloñako hasierako hamaikakoan. Iker Olaldek min hartuta partidua utzi du lehenengo zatian; haren ordez, Endika Ruiz zelairatu da.
Lehenengo zatian atera gehiagotan iritsi da Erandio. Hainbat gol aukera izan ditu, horietako bat falta bidez, baina Erandioko jokalari Ugutzek kanpora bota du jaurtiketa.
Bi jokalari gutxiagorekin
Bigarren zatian erabat aldatu du taldea Andoni Azkargorta Aloñako entrenatzaileak. Agirre, Etxeberria, Ruiz, Lazkano, Azurmendi, Astigarraga, Garmendia, Moreno, Uribetxeberria, Bikuña eta Irizar irten dira zelaira. 20. minutuan sartu du gola Aloñak. Unai Uribetxeberria izan da golegilea. Handik gutxira partidua erabat nahastu da. Erandioko bi jokalari egotzi ditu Jon Ander Errasti epaileak: bat falta bat egiteagatik, eta bestea protesta egiteagatik.
Oroigarrien banaketa
Partidu amaieran Manttonik txapeldunordearen kopa eman dio Erandioko kapitainari eta Iker Olaldek eta Endika Ruizek txapeldunaren kopa joso dute Elustondoren eskutik.