Nagusien espeleo abenturak izandako erantzun onaren ostean txikiei zuzendutako abentura sortu zuten. Duela urtebete jarri zuten martxan eta ordutik oso harrera ona izan du "apiriletik azarora bitartean hilero gutxienez behin egin dugu", dio Arrikrutzeko gida batek.
Gaurkoan Madril eta Debatik etorri den taldetxo batekin barneratu gara koban eta asko ikasten den arren, "ez da bisita didaktiko bat, koba ukitu eta ezagutzeko erabiltzen dugu abentura hau" azpimarratzen digu Leire Garai gidak.
Lehen metroak ohiko ibilbidetik egin ostean zapatilak zikindu beharra dago.Pasabidea utzi eta haur zein gurasoak Arrikrutz ezagutzeko abenturan barneratzen dira. Bertako fauna, flora... normalean ikusten ez diren gauzak bertatik bertara ezagutzeko aukera ematen duen abentura da dau. Adi, ze hurrengo espeleo txiki abentura irailak 7 izango da-eta.