166 argiontzi eta argiteria sistema adimendun bat ezartzeko lanak kontratatu gura ditu Oñatiko Udalak lehiaketa ireki bidez. 123.288,60 euroko aurrekontua (BEZ barik) du kontratuak, eta lau asteko epean egin beharko dira lanak. Proposamenak 15 egun natural baino lehen aurkeztu behar dira.
Egin beharreko lanak honakoak dira: Osinurdin eta Fanderia industria-guneetan 46 farola jarri, Berezaon halako 30, eta Oñatiko bestelako hainbat gunetan 90 argiontzi.
Eskaintzak, jendaurrean
Lehiaketan parte hartu gura duten enpresek Oñatiko Udaleko erregistroan aurkeztu behar dituzte proposamenak. Udalak, berriz, jendeaurrean zabalduko ditu jasotzen dituen eskaintza ekonomiko guztiak. www.oinati.net helbidean jakinaraziko dute noiz egingo duten hori.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.