Mugimendu handia izan da bart gauean Oñatiko Kale zaharrean. Izan ere, kale hartako 21. zenbakiaren lehen solairuaren logelan sutea izan zen. Suhiltzaileek emandako informazioaren arabera, 00:30ean jaso zuten abisua, etxeko bizilagunak berak deituta. 01:30erako sua emendatuta zuten, baina bertako bizilaguna konorterik gabe atera zuten etxetik.
Ospitalera eraman zuten hura, "keak eragindako arazoengatik, seguru aski", diote suhiltzaileek.
Gainontzekoari dagokionez, Kale zaharreko etxe bateko lehen solairuan piztu zen sua, logelan, esandako moduan. Koltxoia, izarak eta beste erre dira. Zorionez, suak berak ez du bestelako kalterik eragin, ez etxebizitzan bertan eta ezta inguruan ere. Bai, ordea, keak. "Baliteke etxe guztia margotu behar izatea", adierazi dute suhiltzaileek.
Ertzaintza ere bertan izan zela baieztatu digute lekukoek; poliziak, baina, ez du gertaeraren gaineko informaziorik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak