Kalean egitaraua prest du dagoeneko gazteria sailak. Udako kultura eskaintzak kalean disfrutatzeko aukera eskainiko du beste uda batez. Gaurtik, egubakoitza, iraila arte, herriko txoko ezberdinetan egongo diren musika, festa, antzerki eta ikuskizun aukera ezberdinak jasotzen ditu aurtengo egitarauak.
90. hamarkadako bigarren erdialdean sortu zen Kalean egitasmoa, eta ordutik, munduko kulturak herriko kaleetara gerturatzea izan da bere helburua. Baita aurtengoa ere. Gaur, esaterako, Hego Afrikako Touchwood taldeaz eta Teatrakalakallez gozatzeko aukera egongo da. Egitarau osoa, agendan duzue.