Oinezkoendako kalean oinezkoen zein eta bizikletekin doazenen segurtasuna bermatzeko, udaltzainak aholkuak ematen ari dira. Arratsaldero egiten dute, oinezko kaleen sarreretan: Etxaluzen eta Txaketuaneko bidegurutzean. Erdiko kaleak oinezkoendako kale bihurtzen direnean, hau da, piboteak goian daudenean, gune horietan bizikletan ezin dela ibili abisatzen diete udaltzainek bizikletan doazenei, eta aholkuak ematen dizkiete. 17:00etatik 19:30era egoten dira lan horretan.
Kale Barria, kale Zaharra eta Atzeko kalea oinezkoendako kaleak dira 12:00etatik aurrera, piboteak jasotzen direnetik, trafikorako ixten dituztenetik. Oinezko ugari ibiltzen denean, arazoak sortzen dira oinezko eta bizikleta zaleen artean, eta bien segurtasuna bermatzeko abiarazi du udaltzaingoak bizikletaren erabilera egokia sustatzeko sentsibilizazio kanpaina. Foruen plaza ere oinezkoendako gune izanda, han ere ezin da bizikletaz ibili.