Oñatiko Ganbara Abesbatzak hirugarren saria eskuratu du Austrian

Austriako Spittal herriko nazioarteko lehiaketan hirugarren postua eskuratu du Oñatiko Ganbara Abesbatzak. Polifonian eta folkore ataletan lehiatu dute txantxikuarrek eta hirugarren saria lortu dute bietan. Oso pozik daude oñatiarrak, batetik, munduko onenen artean lehiatuta lortutako sariengatik, baina baita epaileek Ganbarari buruz egindako aipamenengatik ere. Nazioarteko lehiaketako epai-mahaikideek Ganbara Abesbatzaren maila, soinu aberastasuna eta dinamika ezberdinak egiteko gaitasuna goraipatu dituzte; horrez gainera, abestien programaren aukeraketa ezin-hobeagatik ere zoriondu dituzte.

50.urteurrena bete duen nazioarteko lehiaketan parte hartu duten herrialdetako ordezkari bat da Oñati, Indonesia, Italia, Austria, Polonia, Serbia, Eslovenia, Txekia, Hungaria, eta AEBrekin batera. Austriara abiatu auretik, Aitor Biain, zuzendariak zioen prestigio handiko lehiaketa dela eta han sartzeko aurre-aukeraketa gogorra dagoela. Munduan era honetako bospasei nazioarteko lehiaketa besterik ez daude eta horietako bat Spittalekoa da. Bertara joatea dagoeneko opari handia dela zioen, dagoen parte-hartzaileen maila oso altua kontutan hartuta.

Oraingoa, hirugarrennazioarteko lehiaketa izan da txantxikuarrentzat; aurrez, Eslovenian eta Tolosan lehiatutakoak dira.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.