Benetako showman-a dela erakutsi zuen atzo berriz ere Gurrutxagak, kantu artean egiten zituen aurkezpenekin barre algarak sortuz hotz samar zegoen publikoan. Futbolaz jardun zuen, besteak beste, Iruneko taldean jokatutako garaiak modu ironikoan kontatuta eta gazteleraz abestearen zergatia ere azaldu zuen garai baten zuen Salamankako neskalaguna berbagai hartuta. Ipuin itxurako kontakizunekin lotu zituen aldamenean zituen punta-puntako musikariekin jotako abestiak.
Etxekoen txanda etorri zen gero, urduri samar igo ziren Malenkoniakoak agertokira: Rober Ferreiro (gitarra eta ahotsa), Alain Anton (baxua), Iñigo Ugarte (gitara) eta Iñaki (baterian). Disko berriko Akrofobia abestiaren ekin zioten eta lan bereko Kondena kantuarekin borobildu zuten tartean aurreko diskoko kantuak ere erakutsiz. Gustura jardun zuten txantxikuarrek taularen gainean, nahiz eta bazuten penatxoa ekoizpen arazoak tarteko, disko berriaren kopiak emanaldira ez zirelako heldu; hori horrela, truke-txartelak banatu zituzten zaleen artean datozen asteetan diskoaren truke aldatzeko konpromezua hartuta.