Oñatiko Udaltzaingotik jakinarazi dutenez, San Juan kaleko irisgarritasun lanak direla-eta, kiroldegiko lurrazpiko aparkaleku publikoa itxita dago gaur –astelehena– goizetik, eta berdin anbulatorio ondoko errotondatik San Juan kalerako bidea ere. Garajea San Juan kalean dutenek Kalegoienako lurrazpiko aparkalekua erabili ahal izango dute, maiatzean bezala; Udalak txartel bereziak banatu zizkien.
San Juan kalea irisgarritasun neurrietara egokitzeko lanen azken fasea ari dira egiten uneotan; lanak aparkalekurako sarrera parera iritsi dira. Lan egutegia betetzen ari da eta, okerrik ezean, uztailean amaitzea aurreikusten da. Seguruenetik, lanak amaitu arte ez da kalerako pasabidea irekiko, eta aparkalekua ere ordura arte itxita mantenduko da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.