Ekainaren 15ean, estadio horretan jokatu zen kopa hori inauguratzeko partidua, eta 2014ko Mundu Kopako zazpi partidu ere hantxe lehiatuko dira.
Ingeniaritza-soluzioekin eta aholkularitza teknikoarekin parte hartu du Ulmak estadio horren obretan. Bere azpiegituraren zati handi bat eraiki du: 46 metroko 288 pilare, 22 metro zabal den konpresio-eraztuna, eserlekuetarako 12 metro garai diren habeak eta Orma enkofratu sistemarekin egindako hainbat horma.
Peruko meatze handi bat
Latinoamerikan beste proiektu garrantzitsurik ere badauka Ulmak. Hala, Peruko Toromocho meatzaritza-proiektuan enkofratu eta aldamio soluzio integrala ipini du bezeroaren esku. Peruren BPGren % 14 da meatzaritza, eta 4.500 metroko altueran dagoen Toromocho meatzetik 1,5 milioi tona mineral aterako dira.