Berrikuntzekin dator aurtengo San Migel eta Errosarixo jaietako programaren azala aukeratzeko lehiaketa. Egitarauaren azaleko irudiari garrantzia eman nahi zaio, eta horregatik, lehiaketa edonongo artistei irekitzea erabaki du Udalak. Saria ere, iazko 350 eurotik 500 eurora igo da, eta herritarrek aukeratuko dute lan saritua; izan ere, aurkezten diren lan guztiak Santa Ana aretoaren sarreran jarriko dituzte uztailaren 15etik 19ra bitartean eta herritarrek euren botoa emateko aukera izango dute.
18 urtetik gorakoei zuzendutako lehiaketa nagusi horretaz gain, haur eta gazteen partaidetza sustatzeko asmoz, aparteko deialdia egin da 18 urtera bitarteko artistei zuzendutakoa.
Oinarriak
Teknika librea izango da baina derrigorrez "Oñatiko jaixak 2013" testua agertu beharko da idatzita. Lanok uztailaren 12ko 13:00ak baino lehen entregatu beharko dira kultura etxean.
Jai batzordea
Bestalde, jaiak antolatzeko batzordea antolatuko dute eta uztailaren 1ean izango da lehenengo bilera 18:30ean, kultura etxean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak