Kultur eskaintza mantentzea eta komunikazioa indartzea, Arantzazuko Adiskideak elkartearen erronkak

Arantzazuko Adiskideak elkarteak urteko batzarra egin du gaur goizean Arantzazuko Gogartetxean. Aurten berezitasun bat izan du batzarrak, izan ere, Jon Sarasua Mondragon Unibertsitateko irakasle eta ikerlariak krisiaren inguruko hitzaldia eskaini du.

30 pertsona inguru batu dira Arantzazuko ekitaldian. Batzarraren aurretik Jon Sarasuak krisiaz hitz egin du eta etorkizunerako zenbait mugarri ezarri ditu. Galderen garaian jendeak gaiareriko interesa agertu du eta elkarrizketa interesgarria sortu da.

Sarasuaren hitzaldiaren ostean, iazko kontuak azaldu dituzte elkarteko zuzendaritzako ordezkariek eta aurten urtarriletik egindako ekintzak ekarri dituzte gogora. Aurrerantzean kultur ekintzak antolatzen jarraitu eta indartzeko asmoa dutela azaldu du Iñaki Beristain Arantzazu aldizkariko zuzendariak. Gainera, kanpora begirako zein barneko komunikazioa lantzeko asmoa dute, webgunea berrituz eta garai bateko buletina berreskuratuz.

Batzarraren amaieran, Arantzazuko Adiskideak elkarteko bazkideek euren proposamenak egiteko aukera izan dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.