22:00tan izango da Ganbara Abesbatzaren ostiraleko kontzertua, beti ere Gazte Abesbatzaren kolaborazioarekin. Kontzertuak Lazarraga Dorretxeko lorategian izango dira. Nagusienek Austriako, Spittal herrian emango duten emanaldiko kanta batzuk eskainiko dituzte. Gazteak ordea piano, baxu eta bateria konbo baten laguntzarekin gauzatuko du bere interpretazioa.
Larunbata izango da txikien txanda. 3 eta 16 urteren bitartekoen kontzertuak Santa Anan izango dira 19:00tik aurrera. Haur tailerrak eta Ganbara Txikikoek lauhileko lanak aurkeztuko dituzte eszenatokian. Ikastetxeak Kantari ekimenekoek ere haien txanda izango dute taularatzeko. Horrez gain, aurten, Ganbara Txiki taldeak sorpresa bat eskainiko du, `TIC-TAC´musikalarekin.
Ostiraleko kontzertua ikusi ahal izateko, gonbidapenen bitartez izan beharko da eta kontzertua hasi baino lehen eskuratu ahal izango dira, lorategien sarreran. Larunbaterako aldiz, emanaldia baino ordubete lehenago sarreran zabalduko da sarrerak eskuratu ahal izateko epea.
Ganbara Txiki Abesbatza
Ganbara Abesbatzako kideak Ejea de los Caballerosen lortutako garaikurrarekin