Txantxiku igeriketa sarien 28. aldia izango da. 2000 eta 2004 urteen artean jaiotako gaztetxoak lehiatuko dira kiroldegian. Urteka banatuta igeri egin beharko dute, lau estilotako batean: bular-estiloan, bizkar-estiloan, tximeleta-eran edo estilo librean. Lehenengo, saio bakoitzeko azkarrenak saritu egingo dituzte. Gero, puntuazio-sistema bati esker, lau estilotako denborak alderatu eta adin bakoitzeko sailkapen orokorrak egingo dituzte. Taldekako saria izango da ematen azkenengoa. 310 bat gaztetxok parte hartuko dute bihar arratsaldeko txapelketan, hamar igeriketa-taldetakoak. Horietatik, zortzi talde Gipuzkoakoak izango dira gainontzeko biak Arabatik etorritakoak.