"Festa honekin nolabait ere ongietorria egiten zaie haurtzaindegian hasten direnei, eta Haur Hezkuntza amaitzen dutenei agur esateko ere aprobetxatzen dugu" azaldu zuen 0-6 urte bitarteko irakasle koordinatzailea den Anaje Ferreirok egubakoitzean Elkar hezi ikastetxean egin zuten festari buruz berba egiteko.
"Helduok, gurasoek eta irakasleok elkar ezagutzeko aukera ematen du festa honek, eskola kontestutik kanpora" gaineratu zigun Ferreirok. Hala, eguraldi paregabeak lagunduta, gurasoek eta irakasleek txitxiburduntzian erretako saiheskia, tortilak eta tarta jan zituzten; eta trikitilariak, gozo-eltzea,tailerrak eta Potx eta Motx pailazoak ere egon ziren ikastetxearen zelaian egin zuten jaian.