Bakartxo Tejeria, Eusko Legebiltzarreko presidentea, gaur, eguaztena, etorriko da Oñatiko batzokira, GBBko kide Xabier Barandiaranekin batera, alderdikideekin iritziak eta informazioa partekatzeko asmoarekin. Erramun Osa hurrengo astean etorriko da, LOMCE legeari buruz berba egitera, kultura etxera.
Oñatiko EAJk antolatuta daukan Ekintza Planaren programa barruan, Euskal Legebiltzarreko presidente Bakartxo Tejeria eta Xabier Barandiaran, GBBko kidea, izango dira gaur batzokian, 19:00etan, alderdikideekin iritziak eta informazioa partekatzeko asmoarekin.
Hilaren 19an, berriz, Euskaltzaindiko idazkariorde Erramun Osa etorriko da eta hitzaldia emango du kultura etxean. Gaia, hauxe: Euskara, hezkuntza eta LOMCE legea. Azken hitzaldi hau herriari irekia izango da, edozeinendako.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.