Usakoko bainu denboraldia ekainaren 22tik irailaren 15era

E-Goitek enpresa izango da Usakoko bainu denboraldiaz arduratuko dena. Udalak eta Zubikoako igeriketa eta sorosle zerbitzuak ematen dituen enpresak 2011ko irailean sinatu zuten akordioa. Horren arabera, eurak arduratuko dira arratsaldetan bakarrik egongo den sorosle zerbitzuaz. Hain justu ere, 15:00etatik 20:00etara arte egongo da zaintza zerbitzua. 

Bainu lekuaren erabiltzaileak jakinaren gainean egon daitezen, soroslearen ordutegia zehazten eta Europar Batasunaren 2012ko bainurako ur kalitatearen legediari egokitutako kartelak ipiniko dituzte. Era berean, inguruan dauden arrisku eta debekuak adieraziko dira.

Bainu denboraldia hasten denean, egunero garbituko dute gunea eta soroslearen txokoa astean hirutan. Zaintza ere ez da faltako. Udaltzainak maiztasun jakin batean, inguruak zainduko dituzte.

Aurretik, garbiketa lanak 

 

Udako bainu denboraldia zabaldu aurretik, hainbat lan egingo dituzte Usakon bertan. Hango ur zerbitzua nola dagoen begiratu, belarra moztu, eta eguzkitan egoteko gunea eta oinezkoendako bideak txukunduko dituzte. Bainu lekuan urpeko garbiketa egingo dute, neguan pilatutako zikinkeria kentzeko

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.