Filmak, mahai-ingurua, antzerki eta musika ikuskizuna eta bestelako ekintzak antolatu ditu Tau Fundazioak eta Arantzazuko Adiskideak elkartea, "Afrika ikusarazi eta gerturarazi" gura dietelako gizarteari. Bihar, zapatua, egingo dituzte ekitaldi gehienak Arantzazun, bazkaria barne. Oñatiko kultura etxean, baina, %100 Afrika Beltza izeneko erakusketa dago zabalik.
Kongo, Angola eta Kanbia
Pinturak eta eskuz egindako irudiak daude erakusketa horretan. Lanen artean daude, adibidez, Costa de Marfileko fetitxe sakratuen irudiak, Angolako emakumeak lanean irudikatzen dituzte egurrezko eskulanak, Kenyako Masaien nagusiaren irudia, Mozanbikeko hiritarrak nolakoak diren irudikatzen dituzten figurak, Malawiko maskarak, Kongoko egurrezko krokodilo eta hipopotamoak edo Kanbiako musika instrumentuak. Angola, Liberia edo Sierra Leonako paisaiak eta bizimoduak jasotzen dituzten margoak ere badira erakusketan.