Tanttaka antzerki taldeko Niko Lizeaga eta Ramon Agirrek 'Bejondaigula' antzerkia ekarri zuten atzo, egubakoitza, Oñatiko Santa Ana antzokira. Aretoa bete ez zen arren, bertaratutako ikusleek gustura jarraitu zuten bi aktoreen azalean sartuta, bizitzaren ikuspegiaren gaineko komedia barregarria.
Aktoreen belarrietara ere heldu ziren entzuleen barre algarak: “Gustura barrezka entzun ditugu, bazegoen bat bereziki, izugarrizko barre-atakeak zituena" zioen Ramon Agirrek. Gustura zen, Agirre, debagoienean estreinakoz egindako Bejondaigula emanaldiarekin eta baita jarlekuan batutako zale kopuruarekin ere.
Gustura ziren, era berean, jarlekuetan zeuden ikusleak ere: “Denbora baterako nahikoa barre egin dugu” edo “oso atsegina eta erritmo handikoa izan da, sekulako gorputz espresio aberatsa dute, eta nahiz eta gai potoloen gainean jardun, samur barre egitera bultzatzen zaitu” . Horiek izan ziren, besteak beste, ikusleei jasotako iritziak. Saioa amaituta ikusleek oparitutako txalo zaparradek bermatu zuten egindako lan ona.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
