Ohitura zaharrari jarraituz, Corpus dantzak egingo dituzte herriko auzoetan Oñatz dantza taldeko kideek, txistulariak lagunduta gaur, egubakoitza. Eta beste urtebetez, ekitaldi horrekin hasiko dira Corpus jaiak. Goizean auzoetan egingo dituzte dantzak, eta arratsaldean, herriko ikastetxeetan eta Ugarkalde, San Martin eta Kasablanka auzoetan.
Iluntzean, Jose de Azpiazu musika eskolako haize taldearen kontzertua egongo da Portu plazatxoan, eta gauean, Bejondaigula! antzezlana Santa Anan.
Bihar, Corpus bezpera eguna, azken urteetako beste bi ohitura errepikatuko dira: goizean eta arratsaldean egingo den foso olinpikoko probintzia mailako tiro txapelketa Txopekua tirolekuan batetik, eta iluntzeko herri lasterketa. Aurten XI.ena izango da, eta Euskal Herrian jaiotako korrikalariak hartuko dute parte, tartean Yeray Varela eta Sergio Garcia oñatiarrak.
Domekan, 11:00etako meza nagusiaren ostean aterako da herriko kaleetara Corpusetako prozesioa. Eguraldi txarra egiten badu, parrokia barruan egingo diote azken dantza San Migeli. Arratsaldean, ohi denez, Corpuseko dantzak egingo dituzte Oñatzekoek Foruen plazan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak