Egubakoitzean dator Ttanttaka taldea Bejondaigula! antzezlanarekin. Santa Ana aretoan izango da, 22:30ean. Ramon Agirre eta Niko Lizeaga dira aktoreak.
Hauxe da antzezlanaren sinopsia: Antzerkiko bi aktore hizketan ari dira jantzi-gelan, funtzioa hasi baino lehentxeago. Agertokira igotakoan zoriontsu dira, eguneroko bizimodu arruntarekin kontraste bizia eginez. Mundu guztiko antzokietan 20 urte baino gehiagoz lan egin ondoren, fikzioak soilik eman ahalko die bizitzak ukatzen dien guztia. Hori bai, suerte pixka bat beharko dute hori lortzeko.