Publikoaren aurrean biluztu egin ziren bertsolariak, barnean ditugun emozioak azaleratuz. Minak, frustrazioak, konplexuak, desioak, amorruak azaleratu zituzten, eta euren buruaz barre ere egin zuten. Eguneroko arazo, sentimendu eta beldurrek pisu handia hartu zuten emanaldian, eta gu guztiok nolakoak garen azaltzea izan zen ikuskizunaren helburua.
Umore puntua ikuskizunaren amaieran etorri zen, bereziki: euren burua parodiatu zuten, bertsolariak bertsoa bota behar duen unean burutik pasatzen zaizkionak kontatuz.
Bertso eskolakoak pozik
Antolatzaileak oso gustura gelditu ziren ikuskizunarekin, taldeko kide Iñaki Olaldek azaldu duen moduan.
Santa Ana antzokira 120 lagun inguru gerturatu ziren, jende gaztea, gehien bat.