Arratsaldean, 17:00etatik 20:00etara, eurendako ekintza ugari antolatu dituzte Foruen enparantzan. Xaboia eta kandelak egiten ikasiko dute, baita aurpegia eta maskarak margotzen ere. Barre artean saltoka ibiltzeko ohe elastikoak egongo dira plazan. Gainera, arku tiratzearekin eta globoflexiarekin gozatu ahal izango dute. Eta altuerei beldurrik ez dietenendako, tirolina jarriko dute udaletxeko balkoitik plazara.
Herriko ikastolen bilgune
Oñatiko ume guztiendako antolatu dute zapatuko festa. Hori da, hain zuzen ere, Urgain Eskolaren helburua. Iaz abenduan batu ziren herriko lau ikastetxe publikoak izen horren pean. Oñatiko euskal eskola publiko baten irudia ematea eta izaera bakarra izatea du helburu.