GI-2630 errepidean, Oñatiko Zubillaga auzoan, tentuz gidatzeko gomendioa

14:50ean, kamioi batek guraizearena egin du Oñatiko Zubillaga auzoan, Ulma Polimeroen parean eta, ondorioz, olioa zabaldu da errepidean. Obra publikoetako langileek jardun dute errepidea garbitzen, eta suhiltzaileak ere egon dira erregai depositua aztertu eta isuririk zegoen begiratzen. Istripuaren ondorioz, ez da inor zauritu, baina Oñatira joateko bidea moztu egin behar izan dute denbora tarte batean eta ertzainek zuzendu dute zirkulazioa. 15:35erako errepidea guztiz zabaldu dute, baina istripu lekua seinaleztatuta dago eta tentuz gidatzea gomendatzen da pare horretan. Uneotan, garabiaren zain daude.