Iluntzeko 19:00etan botako dute jaiei hasiera emango dien etxafuegoa. Txorimalo eta sagardo eta txorizo dastatzearen ostean, musika kontzertua hasiko da, 21:00etan. Lau taldek joko dute gaur: Oñatiko Malenkonia, Barakaldoko Porco Bravo, Baionako Willis Drummond eta Iruñako Los Zopilotes Txirriaos.
Bihar, zapatua, 3x3 saskibaloi txapelketa eta umeendako puzgarriak egongo dira eta arratsaldean, IV. goitibehera jaitsiera. Giza-katearen ondoren, EZ! taldeak joko du eta gauean erromeria egongo da Obaneuke taldearekin.
Domekan, berriz, auzo bazkaria egingo dute, besteak beste. Bazkarirako txartelak 12 eurotan daude salgai auzoko Urbia tabernan eta Matearen dendan.
Egitarau osoa agendan duzue.