Pasa den astelehenean bertan eta ordu berean beste edukiontzi bat erre zuten: "Ez da horrelako gauza bat gertatzen den lehen aldia. Azken aldian edukiontzi bat baino gehiago erre dute Lizaur kalea eta Aita Madina bitartean. Urrutira joan barik, pasa den astelehenean bertan eta ordu berean beste edukiontzi bat erre zuten". Hori horrela, udaltzainek herritarrei dei egin diete zerbait susmagarria ikusiz gero beraiekin harremanetan ipintzeko.
Oñatiko udaltzainek 07:00etan jaso dute abisua eta Lizaur kalera gerturatu direnean bi edukiontzi sutan ikusi dituzte; plastikozkoa bat (horia) eta burdinazkoa bestea (urdina). Hori ikusita suhiltzaileei dei egin diete. Suhiltzaileak iritsi bitartean udaltzainek edukiontzien ondoan zegoen autoaren kristala apurtu eta lekuz mugitu dute, baina hala ere autoak kalteak jasan ditu, atzeko aldea erre egin da. Edukiontzi horia zeharo erre egin da eta urdinaren kasuan, burdinazkoa izanik, edukiontzia bera ez baina barruan zegoena erre da. Udaltzainek emandako informazioaren arabera azken aldian nahiko ohikoak dira horrelako gertakariak gune horretan; ez dituzte arrazoi edo gai jakin batekin lotu, "hainbat" izan daitezke, euren esanetan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak