Adin desberdinetako ikasleek eta kantu tailerreko kideek antzerki, abesti eta koreografiak eskaini zizkieten joandakoei, bakoitzerako prestatutako jantzi eta bestelakoekin.Horrez gain, eta nobedade modura, guraso eta irakasleek ere hartu zuten parte jaialdian, bukaeran dantza koloretsu bat eginez.
Aitziber Osinaga Txantxiku Ikastolako irakaslearen esanetan egubakoitzeko festarekin nahi zuten "denek parte hartzea". Eta helburua, lortuta: "Juergarako eta jairako denok egoten gara prest. Guretzako lan pixka bat da, baina ikusita jendearen parte-hartzea eta nola eskertzen duten egindakoa, merezi du".
Zapaturako jolas parkea, tailerrak, ate irekiak eta erakusketa dituzte antolatuta, eta Pirritx, Porrotx eta Marimototsen ikuskizuna ekitaldi nagusi (17:00etan, Zubikoan –sarrerak agortuta–). Domekan bizikleta martxa egingo dute, eta egitarauak jarraitu egingo du datozen egunetan ere.